وراق الزمان
من ديواني سر الحبق
،،،،،،،،،،،،،،،،،،،،،،،،،،،،،،،،،
تايه انا اترِكْني على
دروب الحكي
فتّش على كلمة.شِعِر
تُوصف قمر تُوصف دمع
يكرُج على مروج الصبح
كرجة نهر
تْفَيِّقْ ضمير الراحل
من ربوعنا اتركني
اتركني واذا بطلع ع بالك
شي نهار
اقرا القصيده بتلاقيني بالحروف
نايم عيوني مفتحا
بْتُنْطُر صوز
تا تعود ترسمها على
وراق الزمان
ورد وحنان حب وأَمان
تْفَيِّق على جبين الوفا
شي نهار عيد
اتركني
،،،،،،،،،،،،،،،،،،،،،،،،،،،،،،،،،،،،
راضي مشيلح
ليست هناك تعليقات:
إرسال تعليق