همس الطير#عامية بقلمى /
يا طير يا طاير ف الهوا
بلغ سلامى إليه
وخد جناح الشوق
عرفنى فين أراضيه
سلامى كان الهوى
والعشق شوق وارضيه
صباحى راح واتنسى
ومسايا فيه يشجيه
ما رد لينا الصباح
ولا جانى المسا يحبيه
يكونش زعلان ياطير
ابعت له سلام يرضيه
واللا تقلان علينا
عايزنا نكون أراضيه
مرسالى كان الهوى
ورد النسيم كان فيه
وشوق المحبة جوى
والعشق منى إليه
والقلب منه اتكوى
والروح تعالج فيه
والعين وشوفها هوا
والورد يمشى ليه
وحبيبى صبح ومسا
يحتاروا الأحبة فيه
مرسالى وهمسى دوا
والشوق يزيد وعليه
والعشق شوقه ضنا
والحب ابتلانا بيه
يا طير ياطاير ف السما
قلبى وفين أراضيه
إن كان فى سابع سما
أرسلت النجوم تناجيه
وإن كان فى قلب الجوى
أنا روحى تحوم حواليه
وإن كان فى روحى أنا
روحى تعيش ترضيه
وهوه روح المنى
وشوقى شويه عليه
وهوه روحى أنا
وروحى تعيش بقه فيه
عاشق ليالى الهوا
وعشق القمر أناجيه
وهمس الورود أبعته
مستنى يرد عليه
همس الطير# عامية بقلمى /إسماعيل مصطفى المحامى والشاعر
ليست هناك تعليقات:
إرسال تعليق