ياك أحبي
يالي فيك قلت
ندفن أسراري
حبيتك من الصغر
و احنا دراري
كنت نحسب داركم
جنة قبالة داري.
كبرنا و كنت ديما
لحبي نداري
و كانت شوفتك هي
شغلي طول نهاري
حتى جا ليوم لي
قررت فيه نفاري..
قلت يا نكمل ديني
يا نغرق فعاري.
عاقلة على ديك
البرية و دوك اشعاري
شرحت ليك فيها
حالتي و اعذاري..
اعترفتي بلي حاسة
و عارفة اخباري
و قابلة تشاركيني
أفراحي و اضراري.
عرسنا و كنتي فرواحك
كيف عود لقماري..
مرزقناش لولاد بصح
كنت ريي و شواري.
نسيتي الضحك و اللعب
و دوك السفاري..
وليت ليوم نgايري
و نتقارن بجاري
تهدديني تسمحي فيا
و تنساي خباري.
ياك أزماني
تسمحي فيا ملي
اليوم هرمت، طاح شعري
وفمي ولى حفرة ملحفاري
و رجع الفكرون يجري
ونا وراه نجاري.
عارفك مدريهاش يا
زينة لخضاري..
عارفك بنت اﻷصل
عارك من عاري.
ديري شي براد أتاي
و كثري السكاري
و أجي حدايا باركة
من دوك لعفاري.
ليست هناك تعليقات:
إرسال تعليق