دوقني ضحكتك
بدلها مني بدمعتين
مش هسرق فرحتك
خليهم ليا فرحتين
لسه الزمان حاكمني
بالمر ما كان حرمني
ياجرح إتلم وسبني
يا مين عليك هيعيني
وياك دايماً العمر حزين
دوقني ضحكتك
بدلها مني بدمعتين
............
الفجر طول في نومه
والصبر قلعني هدومه
ومين عالشوق هيصونه
وأنا وأنت حيرانين
من طول الليل ويومه
الشوق حالف يصومه
إن غبت ساعه تيجبه
من شط المغرمين
دوقني ضحكتك
بدلها مني بدمعتين
..............
الفجر مش بينا واصل
وضباب الهجرليه فاصل
أقسم نصيبك ع الحاصل
تلقي قلوبنا متخصمين
العمر دايب في لهيبك
عشقي إمتي هيصيبك
وأكونلك بختك ونصيبك
تكحله برموش العين
دوقني ضحكتك
بدلها مني بدمعتين
.................
( علي فراج )
ليست هناك تعليقات:
إرسال تعليق