(( الله عليك ))
لما قالي حلمت بيكي
شبكه صوابعي بايديكي
رئتي تتنفس هواكي
قلت له ... الله عليك
وانا زيك يا حبيبي
كنت برضه حلمت بيك
************
شوفت أحلامي معاك
رئتي تتنفس هواك
سمعه نبضي جوه نبضك
كل دقه دايبه فيك
***********
لما عينك جات في عيني
قلت أنا احلوت سنيني
اوعي يا فرحة تسيبيني
فرحة الدنيا بلقاك
**************
واسمع الكروان في صوتك
بعشقه وبخاف سكوتك
وانت جانبي ياحبيبي
يا حبيبي الله عليك
*************
ياعوازل لا تلوموني
لما غمضت عيوني
شفت صورتك جوا قلبي
م السعادة طايرة بيك
**************
والليالي هاتحلي أكثر
نلقي طعم المر سكر
م الغرام والشوق هانسكر
قوم كدا وفتح عينيك
ياحبيبي .... يا حبيبي
يا حبيبي الله عليك
بقلم // سلوي نصرالدين
ليست هناك تعليقات:
إرسال تعليق