قصيدة ( اعيش ازاى 10 أيام )
الشاعر عاطف عمر
* أعيش ازاى 10 ايام ، بدونك ،
بدون ما اعرف ايه احوالك .
* كتبتلك بدمع العين ، ودم وريدى ،
خد بالك .
* ولو بتغيب ثوانى عنى ، اروح
أبكى على بابك.
* دموعى الغاليه ما بتنزل ، واليوم
نزلت علشانك .
* مهو انت حبيبي وانا حبك ، واحلفلك أعيش العمر خدامك.
* انا بدونك لا لى حول ولا قوه .
وبتمني اكون العطر فى ثيابك.
* مهو انت الروح يا روحى ، ونن العين يا عينى ، عطينى بطولة احلامك .
* على راحتك أبات اسهر ، وعلى فرحك أطير واكتر ، مقابل رن خلخالك.
* أعيش ازاى 10 ايام ، بدونك ، بدون ما اعرف ايه احوالك .
* تتطمنى الليالي عليك ، واشوف بعنيك ، وأتمنى اكون جنبك فدا عيونك .
* انا خايف اموت بعدك ، ومين يقدر على بعدك ، و دقة قلبي من قلبك ، وابات اذكر فى اوصافك.
* اعيش ازاى 10 ايام ، بدونك ،
بدون ما اعرف ايه احوالك .
بقلمى الشاعر عاطف عمر
ليست هناك تعليقات:
إرسال تعليق