#وأخرتها
...
هتفضلى تعاندى
وأفضل أعاند
مش عايزه تسامحى
وانا قلبى جامد
...
مين غيرنا بيخسر
مين غيرنا م الألم مبينمشى
ولسه فى بعض بنكسر
ولسه جوانا شئ عايش مبيموتشى
...
ولسه بشوفك وبتشوفينى
وبتقتلنا نظرات العتاب
ولا بكلمك ولا بتكلمينى
وكأننا أغراب
...
ولسه بشتكى لأصحابى
من قسوه قلبها عليا
ولسه بحلم تدق بابى
وتحلى من تانى لياليا
...
ولسه بتشتكى لصحباتك
اذاى عايش من غيرى
ومليانا بالحزن أهاتك
بتنادينى بصمت ارجع با طيرى
...
وأدينا م الفراق بنتوجع
وبنشتكى لطوب الأرض
ولسه حالفين ما نرجع
وكأننا عشقنا الكرب
...
خليكى راكبه راسك
وانا راكب راسى
اكتبى نهايتنا بقلمك فى كراسك
بحرقه قلبك وبغضب أنفاسى
...
#وأخرتها
أدينا عايشين ضايعين تايهين
فى طريق كنا كل يوم بنمشيه
أدينا بنموت فى سكوت من سنين
وبنعيش لما بنروح مكان لقانا نرتاح فيه
...
#وأخرتها
قدر كلام الناس يفرقنا
وأدينا بنشرب المر
وعلى عذابنا اتفقنا
واتحول الخير جوانا لشر
...
#وأخرتها
#معرفشى_هنرجع_ونكمل_تانى
#ولا_هنفضل_نتحسر_ع_اللى_فات
#معرفشى_هموت_قبل_ما_أخدك_فى_أحضانى
#ولا_هتموتى_قبل_ما_تضمينى_وتنسينى_كل_الأزمات
.....
.....
#وأخرتها
حسن محمد على
ليست هناك تعليقات:
إرسال تعليق