( حرام ياأندال ضيعتوا شباب بلادنا ) إنها أمي سورية الحبيبة
ابْكي ياإمي
ابْكي ياإمي بالقَبرْ إبْكي
ماعادْ لي طَهرْ بَعدْ موتِكْ ياامي
فينَكْ يابَيي تِجْمَعْنا سوى بِبْلادنا
واللهْ بلادْ العزْ هي بلادنا
ضَيَعْني قَليلْ الأصْلْ
والهَمْ دَوَبني
صارْ الصَدقْ مَعْدومْ
والعُمرْ مابيدومْ
إمي ياإمي غابِتْ شَمِسْ أجْدَادْنا
والعدو صارْ الصَديقْ
والصَديقْ لِبِسْ طَرْحِةْ الأنْدالْ
وارتدى تاجْ الخيانةْ لبْلادْنا
شَبْ الحَريقْ بِبْلادْ الوفا
واخْتَلَطْ ظُلِمْ العَفيفْ
وتْهاوِتْ الأمْجادْ
وحرقوا الوطنْ بِكِذْبِةْ رَبيعْ
رَبيعْ العَرَبْ مَصْنَعْ خَبيثْ
دَفَنْ كُلْ ولادْنا
وصارْ النَدِلْ هو الأصِلْ
والشَريفْ واللهْ انْدَفَنْ
واللهْ اندفنْ تَحْتْ التَرابْ
راح يلّي راحْ وصاحْ
وصاحْ مِنْ تَحْتْ الرٍكامْ
والصوتْ ماينْسِمِعْ
مايِنْسِمِعْ مِنْ صوتْ القَنابِلْ والرصاصْ
والذِئَابْ تِصولْ وِتْجولْ بِبْلادنا
ولّي تَرَكْني وِراحْ
مْنْ غَدرْ اللَّئيمْ لولادنا
والله باعوا الشَرِفْ
بِدولارْ بِرْيالْ
بِحَفْنِةْ كِذِبْ أنْجاسْ
خانوا الوَطَنْ وِبْلادنا
صاحْ الشَريفْ بِهالوَطَنْ
مَهْمومْ يبْكي مِنْ قَهرْ
مِنْ ذِلْ الغَريبْ
وِحَتى البَعْضْ مِنْ أولادنا
آه مِنْ هالحياةْ
وآه مِنْ ألَمْ وِعِتابْ
كرسي الحِكِمْ مَحْمولْ
وَمَحقونْ بِالْدَمْ وِبِالآهاتْ
وِبِدَمْ الشَريفْ بِهالوَطَنْ وِوْلادنا
وِريحِةْ خيانةْ تِفوحْ
في سوريةْ أرْضْ العِزْ
وأرضْ أجْدادنا
واللهْ ياإمي وَطَنْ الصُمودْ انْكَسَرْ
وَطَنْ اشْتَكى في وِحْدِتُهْ
مِنْ غَدْرْ الصَديقْ
أرْجوكْ ياابْنْ الوَطَنْ
يِكْفي ألَمْ وِجْراحْ
يِكْفي شَهيدْ يموتْ
ضاعْ الوَطَنْ مِنْ كِذْبِةْ حَسودْ
حَبيبي ياابنْ الوَطنْ
واللهْ أنا الشاعرْ المَجْروحْ
وِحُبَكْ بِقَلبي مِثلْ ريحةْ وَرْدْ بيفوحْ
إنْ غَرَّكْ قَليْلْ الأصَلْ
بِكِذْبِةْ رَبيعْ العَرَبْ
واللهْ الرَبيعْ حُبَكْ وِحُبي للإلهْ
وِحُبَكْ وحبى لرسولْ اللهْ
وحبكْ لِلْوَطَنْ مِفْتاحْ القدسْ
مَسْرى للحَبيبْ المُصْطَفى العَدْنانْ
سَمْشْ الضُحى لِبْلادنا
الصفحْ مِنْ شيمةْ الأبْطالْ
عودْ عودْ عودْ لحضنْ الوطنْ
عودْ لأمكْ سوريةْ
عودْ ياروحْ الروحْ يابطلْ
نرَجِعْ أرضْ أجدادنا
والله القدسْ عمْ تبكي دمْ
وحتى ولادها وولادنا
بحبكْ يابطلْ ياابنْ الوطنْ
نحمي العرضْ وتعودْ الأرضْ
واللهْ الأرضْ هي العرضْ
والله .. والله .. والله..
ضاع الوطن ياخي
وتشردوا أولادنا
وتشتتوا بكلْ البلادْ أحفادنا
فينكْ يابيي وينكْ ياإمي
ضاعْ الوطنْ وضاعْ الصدقْ ببلادنا
قصيدة محكية بقلـــ♥ــــم
الشاعر غازي أحمد خلف
ليست هناك تعليقات:
إرسال تعليق