عيد ميلاد الورد#
قالوا القمر فرحان
قلت من حقه
قالوا كتير سهران
قلت يا بخته
فيه العينين غزلان
آه ومين زيه
الورد فيه خجلان
وخدوده مين قده
همسات عنيه توهان
سكران ومش عاجبه
وبعت له بصباح
شافنى وما رده
والكحل فى عنيه باح
بكلام على وده
عيد الميلاد لماح
كاتب على نهده
وكتابى فيه رواح
عشقى وليه وحده
ورد الشفاه دباح
ودبحنى من عنده
عيد الميلاد صباح
والشمع ليه وحده
مبروك مساه وصباح
عقبال مانيجى جنبه
نحضن وفيه نرتاح
والراحة من عنده
يشتاقنا شوق ملاح
والشوق كتير ثغره
نسكر معاه لصباح
والسكر من شهده
متعنى شوق وصياح
واهات كتير عهده
عيد الجميل رواح
قيدوا شموع عيده
والفرح فيه مشكاح
والنور كتير ايده
همس العيون سفاح
والرمش فيه زيده
رقاص وليه بواح
والاه تقول زيده
هاتوا الصحاب فى صباح
غنوا فى يوم عيده
سمر الليالى ملاح
والغنوة تنهيده
مبروك مسا وصباح
عقبال ما نزيده
شهد الرضاب صداح
والسكر كان عيده
عيد الميلاد فواح
مبروك فى يوم عيده
شهد البنات دباح
يقتلنى وأنا أزيده
واعطيه مداد سفاح
واسقيه كتير عيده
واحكيه النجوم لملاح
وأنا مدحى يوم عيده
مبروك عليك يا فلاح
نورت يوم عيده
عيدك يا ورد مباح
سمعنى تنهيده
عاشق وعشقى صراح
والهمسه توكيده
وتحية تروح لملاح
وصباحى فيه عيده
عيد ميلاد الورد.#بقلمى/إسماعيل مصطفى المحامى والشاعر.بلبيس .شرقية.مصر
عيد ميلاد سعيد ومبارك وعقبال 100 سنه حب وسعادة يا ورد
ليست هناك تعليقات:
إرسال تعليق