الاغنيه مسجله بالمصنفات الفنيه
ــــــــــــــــــــــــــــــــــــــــــــــــ
محتاجلك يا أمى .... بقلم عصام عز
لو عشت عمرى
وألف عمر تانى كمان
أجرى أسأل أدور
ع اللى واخده منى الزمان
مش هلاقى مهما أدوار
ولا حتى هعرف له عنوان
صوت نادانى .. اللى انت عاوزه
مش هتلاقيه فى أى مكان
ده حضن واحد .. لكل واحد
ربنا خلقه
بحس غير كل الأحضان
أحساس جميل .. ملوش مثيل
صعب تلأيه فى أى كيان
محتاجلك يا أمى
تاخدينى فى حضنك يانبع الحنان
===================
جريت لأرضك .. أترميت على أبرك
بعين تبكى أيام رضاكى
ودعاكى ليا فى كل أدان
من يوم وفاتك .. من وقت مماتك
وانا لسه عايش ذكرياتك
فاكره لما كنتى تضمينى لصدرك
واخلص من همومى على دقة قلبك
ولحظة لما كنت ابوس أيديكى
وارضى ربى اللى وصانى عليكى
واحس الراحه فى لحظة أيمان
محتاجلك يا أمى
تاخدينى فى حضنك يا نبع الحنان
==================
فى يوم عيدك لازم أجيليك
على ذكرى حلوه من زمان
وأجيب هديه هى اللى بأيديا
تلاوه لروحك م القرأن
ورجاء بالرحمه .. ونعيم فى الجنه
ده دعائى ليكى
فى كل صلاه م الرحمن
ده رضا ربى عليا
من أيام دعاكى ليا
محتاجلك يا أمى
تاخدينى فى حضنك يانبع الحنان
+++++++++++++++++++
الاغنيه مسجله بالمصنفات الفنيه
ليست هناك تعليقات:
إرسال تعليق