نص الطريق
------
إنكسارنا
لما حبينا نرجع
ذى زمان
أتارى الزمان
غير الزمان
زمانا كان
مليان حنان
مفيهوش حرمان
-----
فى نفس المكان إتولدنا
وفى نفس المكان بعدنا
ولنفس المكان رجعنا
-----
نداوى الجراح
وننسى اللى راح
ونقول سماح
-----
هو هو نفس المكان
ونفس الجيران
هى هى نفس الحيطان
وترابيزه زمان
-----
بس القلوب إتجحرت
والكلمه الحلوه إتغيرت
----
ولقينا نفسنا
تايهين عن بعضنا
----
واقفين ماسكين إيدينا
ودموعنا ماليا عينينا
صعبان اوى علينا
-----
نرجع مكسورين
واحنا كنا جايين
----
نقول ذى النهارده
من 25 سنه
فى نفس نفس المكان ده
كنا بنتقابل هنا
-----
نسينا ان احنا كبيرنا
والدنيا اتغيرت
جرحنا ليه مشاعرنا
وقلوبنا إتكسرت
-----
ومشينا مجروحين
مش من نفسنا
ماشيين ضايعين تايهين
م اللى حصل لنا
-----
ماشيين ساكتين
حاطين وشنا فى الارض
خايفين زعلانين
على احلى واجمل حب
-----
وفى نص الطريق وقفنا
رمينا فى الهوى خوفنا
ودوبنا فى اجمل حضن
يشوفنا اللى يشوفنا
على وضعنا وظروفنا
احنا بنحب بعض
-----
-----
نص الطريق
حسن محمد على
ليست هناك تعليقات:
إرسال تعليق