كلام بسيط
-----
هى اللى بفرح اوى
لما بتحضنى
لما بتضمنى
عارفين لية
عشان هى اللى من قلبها
بجد اوى
بتحبنى
----
هى اللى لما بتضحكلى
كل ما فيا بيرقص
-----
وأاااه لما بتقرصنى
بتبوسنى
وفى خدى بتعضنى
ببقى نفسى الوقت معاها ما يخلص
-----
هى اللى بتسعد قلبى الحزين
هى حب السنين
هى اللى دمها خفيف
وضحكتها نسمه هوا
فى حر الصيف
------
وأاااه من شقاوتها
خفتها
وجلجله ضحكتها
بتخلينى اعيش حياه
اكتر من اللى حلمت بيها
واتمنيتها
-----
لو اوصفها بالكلام
كل كلام العالم ما يكفينى
لو قلت
هى روحى
ونبض قلبى
ونن عينى
قليل عليكى اوى
ياللى بتعرفى تسعدينى
وب كلام بسيط
من جوا قلبها
بتبكينى
وبلمسه حنان
من ايديها
بتمسح دموع عينى
------
أااااااااااه
هى اللى بحبها
فى قربها وبعدها
هى اللى بقولها
انتى حياتى كلها
-------
أااااااااااه
هى اللى بحبها فى الخصام
اكتر ما بحبها فى الكلام والغرام
هى مش بس حلمى
هى كل الاحلام
------
هى اللى مرها على قلبى شهد
وشهدها احلى من اى شهد
هى اللى ساكنه حشايا بجد
وبحبها اكتر من اى حد
--------
مش بكتب كلام وخلاص
هى اللى بتوحشنى
وهى فى حضنى
------
فى قلبى مليون احساس
ان هى فى يوم
هتكون جنبى
------
ام دم خفيف
ب كلام بسيط
بتقولى مالك يا واد
انت هتعيط
-----
وخدتنى فى حضنها
وضمتنى اوى
وقالتلى وحياه حبى ليك
قريب اوى هتزغرط
------
أااااااااااه أوى
على كل اللى بيفرق قلوب
بتحب بعض
أااااااااااه أوى
يارب متكتبهاش
على حد
-------
------
كلام بسيط
حسن محمد على
ليست هناك تعليقات:
إرسال تعليق