الحبايب ياما قالوا#عامية بقلمى/
الحبايب ياما قالوا فينا
قالوا والله كتير علينا
قالوا زادو ما أنصفونا
واحد وتلاته مجدونا
وتمانية جت تجاهلونا
أصل الحكايه لما راح
فينا أبونا
راح يجيب سكر خدونا
توهونا بالكلام نيمونا
وعملت فرخه للمدام
أكلونا
رحت اسأل ع إللى كان
نسيت فى يومى كان
زمان شربونا
والحلوة قلت لها زمان
هاتى بوسه
من خدود الورد هاتى
يا عروسه
قالت بكل الشوق تعالى
إلا نوسه
هات يا قلبى كل حاجه
هات لبوسه
قلت والله الشوق طويل
والهجير أصبح نزيل
والفقير أمسى ذليل
والغنى فينا عويل
والقصير بقه طويل
والطويل نقص قليل
وأنا وانتى زى ماحنا
والكلام فيه الغطا
والدفا زهد الجفا
أصل إنتى فيك الوفا
والمريض جالو الشفا
من كريم ربى عفا
فين حبيبى اللى هنا
زغروته حلوة لحبنا
د المحبه شىء جميل
للى عارف الأصيل
الحبايب ياما قالوا#عامية
بقلمى/إسماعيل مصطفى موسى.المحامى والشاعر..
حقوق النشر محفوظة
ليست هناك تعليقات:
إرسال تعليق