روح الورد#
جمال الهمس فى الكلمه
يا روح الورد أنا غنوة
تغنيها بنات الحى
تقول العشق فى الحكمه
تحس الشوق مع النشوى
وتبعت للحبيب الضى
وأنا من قلبى مستنى
وقلت الشوق ومن فنى
وليك الشوق يا بنت الحى
تعالى لقلبى واتهنى
تعالى لشوقى ولضيى
ويحلى نسيم الرى
كلامك يا حبيب الروح
يقوله النسيم ويبوح
يشوفك يشوف الضى
كلامك فى السحر مكتوب
على رمشك دموع وغروب
على جبينك باحس وأدوب
على خدودك ورود ودروب
على شفاهك نسيم الروح
ويكتب بالرحيق فى جروح
ويبعت ميت رسول بالبوح
يلاقى فى الشفاه الدوح
ويسكر من رضاب ويروح
على رسلك يا أميرة الحى
على همسك باعيش الرى
على صدرك يتوه ميت ضى
وفين ألقى جمالك زى
وأنا عاشق بشوق وبرى
سحابك عشق ماله زى
يا غنوة وشوق بنات الحى
روح الورد#.بقلمى/اسماعيل إسماعيل مصطفى المحامى والشاعر.بلبيس. شرقية.مصر
تحياتى للأميرة بصحاف الورد
ليست هناك تعليقات:
إرسال تعليق