قصيده ( أمى هى اهم حاجه )
الشاعر عاطف عمر
* أنت أمي و لك الولايه.
* لو سألتو عن الحكايه .
* اقول دى أمي.دى البدايه.
* ودى النهايه .
* واللى طول العمر استناها جايه
* واللى حملتني فى حشاها.
واطعمتنى من الثدايا.
* واللى كان حضنها فرشي وغطايه.
* واللى انفاسها تعطينى الحياة واغلي المنايا.
* كنت اهرب منها واجرى لما اخطأ
واستخبي تيجى تجرى بحضنها لو من ورايا
* هى رأس مالي بجد...لو معايا او مش معايا.
* هى امى...هى مدرستي..
* هى رسمه جميله جدا فى الحقيقه هى من اختار لى اسمى.
* هى حرف جميل معطر. هى نفسي.
* هى تكوينى ورسمى.
* لسه علامات اصابعها معلمه علي كل جسمى.
* لما كانت بتحايلنى .
* لما تطعمني بفمي .
*لما كانت تنسي تحلم بس تشاركنى
فى همي .
* لما تسهر ليلها جانبي.
* لسه فاكره ايام زمان . لما كنت لسه بَحبي.
* كانت عارفه لسه بدرى .
* ترفع الأيد اليمين وتدعى ربي.
* اكفينى شر المخبي.
* واطرح البركه فى أبني.
* هو حياتى وصبري.
* كل يوم اكبر شويه.وهى تحسب لى فى سنى.
* بكره يكبر يبقا طولى..وشكله يبقا حته مني.
بقلمى الشاعر عاطف عمر
ليست هناك تعليقات:
إرسال تعليق