#إوعدينى
.......
يمكن مستنى
همسه أو همستين
نظره أو نظرتين
كلمه أو كلمتين
يفرحوا القلب
ويبكوا العين
.....
يمكن مستنى
كلمه منك
أيوا منك
متستغربيش
احنا بعيد عن بعض أوى
بس بحلم أكمل
اللى باقى من عمرى جنبك
.......
حاسك حاساه
حاسك عارفاه
حاسك عيشاه
طب ليه عنى وعنك مدارياه
وجوا قلبك كاتماه
....
#خايفه_م_الناس
#مانا_كمان_خايف
#صعب_أوى_الإحساس
#بخوف_الكلام_فوق_الشفايف
.......
موت ياحب
موت يا قلب
عشان نرضى الناس
عيش يا خوف
ولسه ياما نشوف
أهى حياه عيشينها وخلاص
........
#هتستسلمى
#وتحطى_راسك_فى_التراب_ذى_النعام
#هتتكلمى
#وتمدى_إيدك_ونبنى_سوى_عش_الفرام
.....
#هتموتى_وانتى_مدريانى_جواكى
#ولا_هخرج_فى_يوم_للنور
#هتعيشى_وأعيش_معاكى
#ولا_سكنى_فى_حياتك_كله_قبور
........
تعبت
تعبت وتعب خدى من دموعى
واشتاق ليلى الحزين الضلمه لنور شموعى
تعبان لحيرتك وخوفك
وشوقك لرجوعى
.......
لا بلدى هى بلدك
ولا دينى هو دينك
بس بحبك وبتحبينى
انتى فى قلبى وانا فى قلبك
وبحلم بعينى شايفه عينك
متخافيش وانا جنبك اوعدينى
.........
#إوعدينى
حسن محمد على
#الزعيم
ليست هناك تعليقات:
إرسال تعليق