عامية مصرية ---------------------(شعر غنائي)
========== وكنت ناوى ==========
وكنت ناوى أفديكى
لكن أقرب واحد ليكى
سلسل إيديا خلانى
أعود من تانى والقانى
زاهد فيكى والاقيكى
علامة غدر فى عنيكى
................... وكنت ناوى أفديكى
لكن أقرب واحد ليكى
لاعب ماكر واتاريكى
لعب بيكى والاقينى
فى نفس اللعبة رامينى
فاكرنى بمكره بعنيكى
هسيب الكون واعيش بيكى
.................... وكنت ناوى أفديكى
لكن أقرب واحد ليكى
عاوزنى لعبة فى ايديكى
فى وقت فراغ تحبينى
وبعد شوية تنسينى
لكن وحياة لياليكى
ثوانى وهبقى ناسيكى
..................... وكنت ناوى أفديكى
لكن أقرب واحد ليكى
هيسهر طول لياليكى
يجفف دمعة فى عنيكى
وهيجينى يلاقينى
كرهت بكل تكوينى
شعورى بإنى شاريكى
..................... وكنت ناوى أفديكى
========= #بنات_افكارى_احمد_سعيد
ليست هناك تعليقات:
إرسال تعليق