وحشتينى
-----
-----
هى القلب الطيب
والحضن الحنين
هى اللى كانت بتعرف مالى
حتى من غير ما أبين
---
وهى عايشه
عمرى ما عشت يوم حزين
وعمرى ما عرفت الخوف
وأدينى بعد موتها
عايش ف الذل بقالى سنين
وعماله تلعب بيا الظروف
----
وحشتينى
تعالى كلمينى
مدى إيدك طلعينى
من قلب البحر الغريق
--
وحشتينى
تعالى خدينى
وفى قلب حضنك خبينى
جوايا مليون حريق
--
وحشتينى
تعالى ضمينى
خليكى جنبى طمنينى
انا تايه فى نص الطريق
----
تعالى وتعالى وتعالى
مش هتيجى
تانى
طب اعمل ايه
هى كتير اوى
وحشانى
من بعد فراقها
وانا ماليش حد
وعايش فى قلب الدنيا
وحدانى
----
بقيت ذى ريشه
هشه ضعيفه
اقل نسمه هوى بتطايرها
-
عايش فى حياه
صعبه مخيفه
عماله تكوينى بنارها
----
باب السعاده فيها
مقفول فى وشى
-
وكل اما اقرب منه
تقولى يلا امشى
----
امشى واروح على قبرك
اكلمك
شيفانى
سمعانى
----
اول مره الدمع
يعرف طريق خدى
وكل الهموم بتجرى ورايا
مش عايزه تهدى
-----
تعبت م الجرى
وتعب قلبى
ما خلاص ماتت
اللى كانت بتشيل همى
الله يرحمك يا أمى
-----
-----
وحشتينى
حسن محمد على
ليست هناك تعليقات:
إرسال تعليق