مش همك
بقلم .../ عاطف بيومى محمد
شايفِك مش همِك قلقي
على كل دقيقة بتمُر
ولا همِك خوفي وانشغالى
يا ام العيون السُمر
ولا حاسه انك وحشاني
و بيكي بيحلالي العمر
بتقولي عليا اناني
وف حبي ساقيكي المر
انا قلبي إحساسه عالي
وحُبه بيكون جمر
انا خوفي عليكي مخلي
البال عصبي ومتضايق
لكن والله يا عمري
ده وقت اكيد ح يمر
انا واثق انك فاهمه
قلبي العاشق ليكي
والله وانك حاسه
اني ما اقدرش الهجر
يا حبيبتي هاتي ايديكي
وامليني حنان من لمسه
ف بعادك ببقى غريق
وانتي يا قلبي البر
ليست هناك تعليقات:
إرسال تعليق