حنين
،،،،،،،،،،،،،،
بتتذكري الضيعه ومفارقنا
ال كان القمر فيها يرافقنا
وهاك العريشه ال مثل عش طيور
فيها ساعات العمر تسرقنا
وراعي بمنجيرة صباح النور
يبعث النغمه تا تفيقنا
وامي وامك يوقدوا التنور
بزيت المحبه نغت لقمتنا
وعالعين كانوا ينزلوا بسرور
يعبوا الجره ال دوم سقيتنا
وكيف الهوا يعبق نقا ومنثور
وجيران مثل ورود با قتنا
صَفيت عَ هاك الزمن مقهور
وبالقلب عم بتزيد حرقتنا
انشالله عجلتك يا زمن بتدور
تا نعود بمحبه وهداوة بال
نْقضي العمر من بعد فرقتنا
،،،،،،،،،،،،،،،، ،،،،،،،،،،،،،،،،،،،،،،،،،،،،،،،،
راضي مشيلح
ليست هناك تعليقات:
إرسال تعليق