خواطر ايمان محمد
ياساكن قلبي
ياللي ساكن جوى قلبي
ياللي مالك حته مني
أنا مش. قادرة انام
طول ما انت بعيد عني
كلامك بيعذبنى غصب عني بيفكرنى
بيرجعني للامانى اللي رسمتهالى
خليتها تملا ايامى ويفيضلك حنانى
باحلامى بغرامى
مكنتش فاكرة يوم انك بتهوى خداعى
وتقدر تبيعنى وتبقى انت عذابي
فاكر يا بايعنى وانت بتكلمني
ساعات وساعات ماتملش منى
وتحسسنى بغلاوتى وتقولى
ملكش غنى عنى
وحلفتلي بربك واديتنى عهدك ووعدك
تفضل جنبي طول عمرك
مايفارق حبي قلبك
صدقت كلامك وسلمتك قلبي
واديتك احساسي وكل مشاعري
وكنت شمسي وقمري وكل الدنيا عندى
ونسيت حاجات كتير عشان ارضيك ياعمرى
وبعد مامشيت ف دمى
وبقيت روحى ونبضي
واتعودت عليك واموت لو يوم تسيبنى
لقيتك خنت عهدى وبعدت عن ايامى
وبعت قلبي وحبي ورضيت بحرمانى
واحترت مع نفسي قلبك ليه غدر بي
وايه كان غلطى عشان تبعد وتمشي
واسهر ف الليل وحدى
ندمان حزين ابكى
ويمر ليل طويل ع الحيارى المخدوعين
وكل م اقول ابعد يولع ف قلبي الحنين
ولا عدت عارفه اقرب
ولاحتى منك اهرب
وقلبك بقى عليك
وتوهت عن طريقى وهموت من التفكير
ياحلمى الكبير يامعدوم الضمير
زى ماعرفت تخدعنى
وتحطم كيانى وقلبي
قرب تعالى علمنى
ازاى يموت حبي واداوي منك جرحى
ياللي ساكن جوى قلبي
اميرة العذاب
ايمان محمد
ليست هناك تعليقات:
إرسال تعليق