روماني يابا ......
عطشانه أرضه و علي غصنه
والتين يابويا .......
ما بلش ريقي ما أنا عارفه
زيتونها يابا .........
مش عاجب هواها ولا عاجبه
رومانها وتينها وزيتونها
ماطابوش ولا طابت عناقيدها
لموا العنب يادي العجب
قالوا السبب لسه البلح
ما طلعشي السنه دي في نخيلها
ويا مين يغنيلها . يغزل مواويلها
ومين يقول ومين دا حاكمه سكوت
لما الجميز بشكل غليظ يقول أنا توت
وبكدا مبسوط وإن كان مغلوط
عرق الجريد في الكاس مخلوط
أشرب دا كيف يا أبو قلب كفيف
وإن كان حريف والعمر خريف
إحسبها وشوف مين المخطوف
قمر مكسوف في نهار مخسوف
علي وجع الناي بشر نساي
علي شرب الشاي والديل مربوط
لما الرومان يتحول تين
زيتونها عليل وعنبها دفين
آه يا ليلي يا عين
**** **** ****
( علي فراج
ليست هناك تعليقات:
إرسال تعليق