مسأله شخصيه
الجزء الثانى
-------
هى اللى على خدودها كل الزهور بتفتح
هى اللى معاها بس انا بفرح
هى اللى معاها دايمآ مجروح ومعرفش اجرح
هى قصه حب جوايا مداريه
-----
هى حاله مقدرش اوصفها
بشوفها كل يوم جديده مع انى من سنين عارفها
طب كل اما اشوفها بحس انى اول مره اشوفها
مجنونه شعنونه وكتير اوى عناديه
-----
من يوم ما لمس قلبى حبها
وانا كل حاجه فيا بتنام فى حضنها
بطمن لما ألمس ايديها وبرتاح وانا جنبها
حبيبتى البعيده القريبه الطيبه الغجريه
-----
هى اجمل حكايه مليانا بالتفاصيل
هى اللى بتحلى دنيايا بقالها عمر طويل
هى اللى بتسهر معايا طول الليل
هى الضحكه اللى فى قلبى وماليا عينيا
-----
لو خايفه يعرفوكى منى تبقى متعرفنيش
خافى من كل العالم لكن منى متخافيش
انتى مين انا معرفكيش
اللى بينى وبينك دى مسأله شخصيه
-----
هى الحلم اللى محققتوش
هى النور اللى مشفتوش
هى اللى بشوفها على كل الوشوش
هى كل الدنيا ديا
-----
احنا قلوب عايشه مجروحه
احنا طير بترفرف وهى مدبوحه
احنا نقطه فى كلمه ممسوحه
احنا بنغرق فى بحر مافيهوش ميه
-----
احنا صوره مقلوبه
احنا فاكهه معطوبه
احنا فى عز شبابنا م الحزن بقينا كركوبه
دى مش نهايه القضيه
-----
لملمى دموعك وإمسحى الأحزان
هكسر ضلوعك م الضمه ذى زمان
وهترجع شموعك تنور المكان
احنا حقيقه مش حكايه وهميه
-----
إقلعى الأسود وإلبسى ألوان
متخليش حزنك لغيرى يبان
إفردى شعرك
وحزمى خصرك
وحطى برفان
انتى اللى معاكى ابتديت ومعاكى حياتى اللى جايه
-----
-----
مسأله شخصيه
الجزء الثانى
حسن محمد على
ليست هناك تعليقات:
إرسال تعليق