ايمان
...
هى أول فرحتي
هى أول حد قال لى يا بابا
هى كل حلو دنيتي
هى عالم جميل خالى م الكآبة
...
هى بنتى هى صحبتي
هى اللى بخاف عليها من النسمة
تشبهنى فى طيبتى وحنيتى
هى فى سطورى أجمل كلمه
...
بتحس بفرحتى
قبل ما أفرح
وبتمسح دمعتى
قبل ما خدى تجرح
...
لو سعادتها على حساب حزنى
أكون أسعد البنى ادمين
هى اللى بكل نقطه فى دمى
احميها من كل الشياطين
...
لو حد فى يوم فكر يزعلها
هيلاقينى جيش بدافع عنها
واتحدى الدنيا دى بحالها
عشان ما أشوفش دمعه منها
...
هى اللى جوا قلبى
وساكنه حشايا
هى القريبه منى
ودايمآ معايا
....
هى اللى جوا القلب
ونن العين
هى أجمل حب
جوايا من سنين
...
هى اللى اسمها من خمس حروف
وليها اسمين دلع
هى اللى معنداها الظروف
وكتير اوى قليها اتوجع
...
هى اغلى ما عندى
حياتى وكل ما فيها
لو بإيدى اهديها عمرى
ومش كتير عليها
...
اهداء
الى ابنتى
ايمان
فى عيد ميلادها
حسن محمد على
ليست هناك تعليقات:
إرسال تعليق