اللمبه الحمرا
------
وجه جديد بيلاغينى
أتقل عليه بينادينى
كلمتها
قالتلى مالك ناسينى
قلتها خايف أقرب تتعبينى
قالتلى أقرب هشيلك فى نن عينى
قلتها خايف أعوم تغرقينى
ضحكت وقالتلى موجى هادى
قلتلها على بر معاكى رسينى
بتحبينى
طمنينى
ولا بيكى هتعلقينى
وتطنشينى
----
قالتلى دوق يا واد
من تفاح خدودى
وأقطف يا واد
كل وروودى
عجبك يا واد العود
دا مفيش ذى عودى
----
معايا هتتهنى
أطلب
أأمر
إتمنى
---
بوس
ودوس
حاسسنى بالهنا
دا انا اللى عينى عليك انت
من كام مليون سنه
----
كام واحده
رقصتلك على جانا الهوى
عشره عشرين
ألف ألفين
مليون
كام واحده
لبستلك القميص الموف
ميه ميتين
كل الحلوين
ولا على بالى
وانا مالى
هتعيش معايا الساعه بسنين
----
انت ايه
انت مين
مفيش واحده
قابلتها
كلمتها
الا وقالتلى
انك حضنتها
متعتها
مع انه ميبانش عليك
انك كسرت كل ضلوع الحريم
بضمه ايديك
وكل حاجه عملتها
----
ساكت ليه اتكلم
دا انت كبير اوى ومعلم
----
اقول ايه
ايه تانى عايزه تعرفيه
---
مانا قدامك كتاب مفتوح
انا اللى ضوافر النسوان
معلمه على كل جسمى جروح
انا اللى معنديش خطوط حمرا
وكل شئ عندى مسموح
----
وكل حاجه جديده
بضعف أدامها
بحب اتغزل فى كل تفاصيلها
وقوامها
----
هعمل الفون نمط الطيران
قالتلى وانا كمان
مش هتولع اللمبه الحمرا
ضحكت
وقلتلها دى مولعه
من قبل ما تتولدى
بزمن الزمان
-----
-----
اللمبه الحمرا
حسن محمد على
ليست هناك تعليقات:
إرسال تعليق