رمشه الاسمر#عامية بقلمى/
الجزء الأول :
دارى عيونك عن عيونى
أحسن عيونك يبعدونى
الرموش فيهم يرعشونى
والجفون السود يقتلونى
نن عينك والكلام حيرونى
همسهم والشوق كتير
عورونى
دارى عيونك للعيون
يرهبونى
يخدوا من شوقى
الكلام ويحضنونى
حضن غالى فيه هيام
ويدلعونى
رمشه الأسمر والحنين
سهرونى
وأنا من شوقى الكتير
مانيمونى
آه يا روحى والمنام
ما بيرحمونى
أعمل إيه وانتى
حياتى ونور عيونى
خلو عشقى العمر
كله ويسعدونى
مين يقوله يا ناس حشونى
يوحشونى كتيرحبايبى
وأنا شوقى زاده شوق
ونعمونى
يحسبوه الناس
بشوقى نن عينى
وهوه روحى ونور عيونى
الكحيل ملكته أمرى
والحبيب بالشوق فى قلبى
من عيونه ما حد لامنى
ولا شافنى ف يوم وسابنى
حضنى حضنه وشوق حبايبى
مين يقوله كتير بحبه
مين يقوله يا ناس وقلبى
للحبايب شوق مخبى
نفسى أحضن فيه قرايبى
كل حته بتنادينى
كل شوق بالشوق حنينى
رمشه الاسمر فيه أنينى
رمش عينه اللى شبكنى
رمش عينه عشت فيه العمر كله
عاش ف قلبى الشوق وضله
رمشه الاسمر شوق حبيبى
شافنى شوفته كتير وطيبى
والجميل من حسن شوقه
غنى عينى ورمشه فله
خلى عينى بكل شوق
تعيش لهيبى
رمشه الاسمر جه ف قلبى
وزاد حنينى
وانا من شوقه وشوق حبيبى
خدنى قلبه وراح لقلبى
يحكى عنى كتير حبيبى
رمشه الاسمر فيه عيونى
والعيون من شوق خدونى
جوه روحه بشوق حنينى
رمش عينه م العزول
ما حد قالى
إنه واقف يشتهينى
الشوق وظنى
روحى روحه حتى قلبى
والحبايب حته منى
قلت فيهم كل حاجه
قلت حب الشوق يهنى
والحبيب سكنته قلبى
عن عيوني عاش مخبى
راح وراح وسابنى وحدى
وانجرح قلبى وجنبى
وانا من شوقى معبى
رمشه الاسمر جه ف عينى
حرك الشوق زاد حنينى
***********
الجزء الثانى:
كل كلمة حب حلوة
كل لحظة شوق بغنوة
نفسى أشوفه
وأكون فى حضنه
مين يقوله يا ناس بحبه
هوه عشقى وشوقى حبه
هوه روحى عيونى قلبه
مين يصدق إنى حبه
كل حب الدنيا حبه
حتى قلبى داب ف قلبه
رمش عينه فيه شبكنى
رمشه الاسمر شوق عيونى
**************
الجزء الثالث :
والقمر شافنا القمر
غنى الغناوى والسهر
وانا شوق حبيبى
وشوقى كله يشتهر
يحكى المنام ويقول كلام
ويزيد هيامه ينصهر
وانا شوقى كله
فى العيون حتى القمر
مكتوب عليا الشوق واعوم
عشق المنام شوق القمر
رمشه الاسمر عدى جنبى
خلى قلبه يعيش ف قلبى
**************
الجزء الرابع:
يا مين يقوله يا ناس بحبه
وهوه قلبى وعمرى كله
وهوه شوقى وشوقى ضله
ورمشه الاسمر فيه شبكنى
وزاد فى عينه الكحل كله
وخلى قلبى فيه يقوله
يحكى عنه الشوق وفله
رمشه الاسمر قال لقلبى
كل شوقه وعشقه حبى
رمشه الاسمر عاش وشافنى
خلى روحى تروح تهنى
رمشه الاسمر فيه شبكنى
من عيونه ما حد عابنى
رمشه الاسمر#عامية غنائية بقلمى/إسماعيل مصطفى موسى.المحامى والشاعر.بلبيس.شرقية.مصر
حقوق النشر محفوظة
ليست هناك تعليقات:
إرسال تعليق