انا والنسيم#عامية بقلمى/
انا والنسيم وهواك
عايشين لبعضينا
وحكايتى إيه وياك
ياللى إنت ناسينا
مكتوب أكون فى هواك
تعالى بقه لينا
نايم وروحى معاك
راكب مراسينا
وركبت بحر رضاك
أمواج بحار فينا
موجى على نهداك
رمانه داب فينا
روحى جمال عيناك
رمشك غمز لينا
قرب ياحبى لقاك
يحلى السمر بينا
رمشك كلام يعلاك
آهات الجمال دينا
خدودك ورود ترعاك
بساتينك تنسينا
واللا الشفاه وهواك
آهات تزيد حينا
وشربنا رضاب فاك
وسكرنا سواسينا
ونسينا جميع ليلاك
وعشنا ليالينا
وتاه الزمان وياك
وتاهت حكاوينا
وجانا القمر وياك
ودخلنا مجارينا
وكتبت الحروف بشذاك
وحروفك بقت فينا
قصة حياتى معاك
يا حياتى واحكينا
زيدى الأهات بنداك
تعلى مراسينا
مراكبنا بحر هواك
والعشق يشفينا
الشوق طريق مرساك
والوجد يسلينا
شافنا القمر ودعاك
يحلى السمر بينا
ونجوم تعيش ليلاك
وسحابك يغطينا
عاشق أنا واهواك
والعشق داب فينا
همسك ياشوق يرضاك
أنسك دلع لينا
ونزلت بحر مناك
واه واه يا همس ضمينا
والموج صحى وياك
أمواجك آه بتهوينا
والشط تاه مالقاك
ونسينا مراسينا
وشربت آه بلقاك
خمرك بحار زينه
سكر الهوى بنداك
سكرت ليالينا
وشربت كاس يمناك
وشربنا لبعضينا
عشاق الزمان تبغاك
لحظة تتوه فينا
إمتى يجينى هواك
نسعد ببعضينا
أنا والنسيم#عامية بقلمى/إسماعيل مصطفى المحامى والشاعر.بلبيس.شرقية.مصر
حقوق النشر محفوظة.
ليست هناك تعليقات:
إرسال تعليق